නිවනට මග
අක් මුල් නොපෙනෙන මේ සසර මග දුක්ගින්නෙන් දැවෙන සත්වයා දුකින් මුදවා ගනු පිණිසම අපමණ කලක් පාරමීදම් පුරා ලොව්තුරා බුදු පදවියට පත් අප මහා බුදුපියාණන් වහන්සේ විසින් මහා කරුණාවෙන් දේශනා කොට වදාළ දම් සක් පැවතුම් සුතුර නුවණින් අවබෝධ කොට ගනිමු.
දුක, දුකඇතිවීමට හේතුව හෙවත් ආශාව, දුක නැති කිරීම හෙවත් නිවණ, දුක නැතිකිරීමේ මග හෙවත් අරි අටගි මග නම් වූ චතුරාර්‍ය සත්‍ය ධර්මය ඒ උතුම් දේශනාවයි.
දුක නිවන ආර්‍ය මාර්ගය
නිවැරදි දැක්ම (ලොව පවතින සියල්ල දෙස නුවණින් දැකීම)
නිවැරදි සංකල්පනා(අධික ලෙස ඇලීම් හා ගැටීම් වලින් තොර ව සිටීම)
නිවැරදි වචනය ( මුසාවෙන්,රලුවදනින්,කේලාම් කීමෙන් හා හිස් වදනින් තොරවීම)
නිවැරදි කාය කර්ම( හිංසාවෙන්,සොරකමින් හා කම්සැපයෙහි ලොල්බවින් වැලකිම)
නිවැරදි දිවිපෙවත ( යහපත් ජීවනෝපාය මාර්ගයක යෙදීම)
නිවැරදි උත්සාහය ( අකුසලයෙන් වැලකී කුසල් කිරීමට යොමුවීම)
නිවැරදි සිහිය (සියලු කාර්යයන් හිදී අතිශය සිහිනුවණින් යුතුව කටයුතු කිරීම)
නිවැරදි සමාධිය( ආශාවන් දුරුකොට නිවනට පැමිණීම)